Ish-kreu i Shërbimit Informativ Shtetëror, Fatos Klosi, thekson se lideri i Partisë Demokratike nuk ka asnjë peshë politike për të krijuar premisat për eliminimin e tij fizik.
“Nuk e mendoj se ka ndonjë plan kundër tij për ta eliminuar, pasi e di që ai nuk ka ndonjë peshë as si politikan dhe as si lider. Përkundrazi, mendoj se këto janë thashetheme të përhapura me qëllim, për ta faktorizuar atë si person dhe si kryetar të PD-së, pasi ai nuk ka dëshmuar ndonjë vlerë. Në vetvete Basha nuk rrezikon askënd, prandaj nuk ka pse të ndihet i rrezikuar. Flas për eliminimin fizik të tij, sipas thashethemeve. Teoritë konspirative nuk hyjnë fare në punë në këtë rast. Prandaj dhe nuk ka arsye të harxhohen më shumë para për ruajtjen fizike të tij, për më tepër të angazhohet dhe Garda e Republikës”, shprehet Klosi, për gazetën Dita.
