Ministri i Brendshëm, Fatmir Xhafaj, ka mbledhur urgjentisht drejtuesit e Policisë së Shtetit, drejtorin e përgjithshëm Haki Cako, dhe dy prokurorë të krimeve të rënda, lidhur me vrasjen e ish-drejtuesit të policisë, Artan Cuku.
Grupi hetimor ka rindërtuar skemën e vrasjes së ish-oficerit të lartë.
Ish-drejtori i policisë së Vlorës është qëlluar nga dy persona ende të paidentifikuar, në shesh-pushimin e pallatit në të cilin ai banonte, pak minuta pasi ishte shkëputur nga familjarët e tij.
Hetimet mbi ngjarjen tashmë i kanë kaluar Prokurorisë së Krimeve të Rënda, e cila po punon me grupin e posaçëm hetimor dhe specialistë të Drejtësisë së Tiranës. Policia ka shoqëruar deri tani 11 persona, që janë pyetur për rrethanat e krimit. Mësohet se një nga atentatorët është fiksuar nga kamerat e sigurisë.
