Kombëtarja U-21, e drejtuar nga Alban Bushi, luajti mbrëmjen e sotme ndeshjen e fundit në grup kundër Estonisë, e vlefshme për kualifikueset e kampionatit Europian për këtë grupmoshë. Por nuk ka mjaftuar dopieta e Taulant Seferit për të fituar këtë takim i cili u mbyll në barazim.
Talenti i Shpresave kuqezi shënoi që në minutën e 12` të takimit, pas një aksioni të bukur në krahun e majtë. Seferi arriti të gjej kuadratin në portën kundërshtare, duke i dhënë avantazhin e përkohshëm skuadrës sonë.
Avantazhi i kuqezinjve do të zgjaste deri në minutën e 32`, kur vendasit arrijnë të barazojnë me anë të Liivak. Ndonëse kuqezinjtë e vegjël e dominuan pjesën e parë, vendasit patën mundësi për të barazuar në shtesën e 45` minutave të para, por Liivak gaboi nga pika e bardhë e penalltisë, duke i lënë shifrat në 1-1.
Ndërsa në minutën e 69`, Taulant Seferi, i asistuar nga Esat Mala, shënon sërish në portën kundërshtare dhe kalon kombëtaren kuqezi në avantazh. Gëzimi është i gjithi për të besuarit e Alban Bushit, por duket se euforia i kap në befasi, pasi në minutën e 87` vendasit barazojnë shifrat me anë të Liivak.
Kështu Shqipëria i mbyllet këto eliminatore me 7 pikë të grumbulluara, ndërsa mban vendin e 5-të në renditje. Më tej është Spanja dhe Sllovakia që vijojnë aventurën në fazat finale të Europianit.
