Mbrëmjen e djeshme në fshatin Gramëz të Krujës, një i ri 22 vjeçar me inicialet M.Ç u gjend nga familjarët i pa jetë brenda makinës së tij.
Familjarët bëjnë me dije se 22 vjeçari kishte vetëm dy ditë që ishte kthyer nga Italia dhe pritej të largohej një nga këto ditë.
Burimet nga gazeta Panorama, bëjnë me dije se akti mundet të ketë qenë vetëvrasje, pasi familjarët e 22 vjeçarit dëshmojnë se menjëherë pasi kishin dëgjuar krismat, kanë dalë të shohin jashtë nga ku kanë parë se i riu ndodhej i pa jetë dhe me pistoletë në dorë.
Informacioni paraprak nga policia
Më datë 18.02.2018, rreth orës 20:20, në fshatin Gramëz,Krujë, prapa banesës së tij, (në garazh)në automjetin tip Fiat është gjetur i vetëvrarë me armë zjarri pistoletë shtetasi M.Ç. 22 vjeç, banues në Gramëz Krujë.
Në cilësinë e provës materiale u sekuestrua arma e zjarrit tip pistoletë model 54 , të cilën e mbante pa leje.
Grupi hetimor po punon për zbardhjen e motiveve të ngjarjes.
Materialet i kaluan Prokurorisë së Rrethit Gjyqësor Krujë për veprime Krujë për veprime të mëtejshme për veprat penale” Shkaktimi i vetëvrasjes” dhe Prodhimi dhe mbajtja pa leje e armëve luftarake dhe e municionit”parashikuar në nenet 99 dhe 278/ 2 të Kodit Penal.
