Trupi i pajetë i grekut të vrarë në Bularat, Konstandinos Kacifas ka mbërritur në Gjirokastër. Ai aktualisht po mbahet në një agjenci funerale në fshatin Zervat. Trupi i pajetë po përgatitet për t’u dërguar në shtëpi.
Kanë qenë familjarët e tij, ata që kanë udhëtuar gjatë natës drejt Tiranës për të tërhequr trupin e 35-vjeçarit nga morgu i QSUT-së.
Burime thonë se 35-vjeçari do të varroset i veshur me rroba ushtarake. Funerali për të do të mbahet nesër në orën 11:00. Ndërsa do të paraprihet nga një meshë për nder të tij.
35-vjeçari u vra ditën e dielë më 28 Tetor nga forcat RENEA gjatë shkëmbimit të zjarrit. Kaçifas ishte i pari që qëlloi me armë forcat e policisë dhe më pas tentoi të arratisej në kodrat e Bularatit.
