Trupi i Kostandin Kaçifës vijon të qëndrojë në morg. Kjo pasi familjarët e 35-vjeçarit refuzojnë ekspertizën mjeko-ligjore të spitalit të Gjirokastrës.
Mësohet se morgu njoftoi familjen e të ndjerit për të tërhequr trupin e djalit të tyre për të kryer ceremoninë mortore.
Por, familjarët kanë refuzuar të marrin trupin, pasi nuk pranojnë rezultatet e autopsisë. Ata kanë kërkuar që trupit të 35-vjeçarit t’i bëhet një tjetër ekspertizë nga mjeko-ligjorë të pavarur.
Madje, familja Kaçifas ka kërkuar për këtë ndihmën e Ambasadës së Greqisë në Tiranë që të kontaktojë një ekspert mjeko-ligjor për të përcaktuar shkaqet e vdekjes së 35-vjeçarit.
Ceremonia mortore për minoritarin grek ishte parashikuar të mbahej pasditen e sotme rreth orës 17:00 në fshatin Bularat. Por varrimi është shtyrë për një ditë tjetër.
