Novak Djokoviç dhe Jelena Djokoviç njoftuan të Premten se do të dhurojnë 1 milion euro përmes Fondacionit Novak Djokovic për blerjen e ventilatorëve dhe pajisjeve mjekësore për të mbështetur spitalet dhe institucionet e tjera mjekësore në betejën e tyre kundër koronavirusit në Serbi.
“Lufta nuk është e lehtë, numrat nuk janë të këndshëm, por unë jam i bindur që ne do të arrijmë ta bëjmë këtë dhe do të kthhemi më të fortë se më parë,” u shpreh Novak për mediat lokale. “Është e rëndësishme të qendrojmë të bashkuar në këtë luftë, të ndihmojmë njëri-tjetrin, kështu që ne mund ta mposhtim këtë virus më shpejt dhe më lehtë. Ne do të dëshironim të shfrytëzonim këtë mundësi për të ftuar të gjithë të tjerët të bashkohen me ne dhe të ndihmojnë shumë familje dhe njerëz që kanë nevojë për ndihmë për të mbijetuar dhe të shëndetshëm përsëri. ”
Fondacioni Novak Djokovic zakonisht përqendrohet në ndihmën në krijimin dhe forcimin e mundësive të arsimit parashkollor për fëmijët serbë. Por nr 1 ne bote ne tenis po reagon ndaj pandemisë aktuale, e cila po prek familjet në të gjithë botën.
“Ka shumë njerëz të cilët më telefonojnë dhe me shkruajnë çdo ditë, dhe që duan të bashkohen. Jo të gjithë mund të ndihmojnë, shumë janë goditur nga kjo situatë, por për fat të mirë, ka shumë njerëz dhe kompani që mund të ndihmojnë,” u shpreh Djokovic. “Ne do të hapim një llogari të veçantë për këtë situatë emergjente, siç kemi bërë herën e fundit kur u goditëm nga përmbytjet.
