Këngëtari shqiptar Ermal Meta do të marrë “çelësin e qytetit” të Barit. Dorëzimi do të bëhet më datë 31 mars nga kryetari i Bashkisë.
“Artisti shqiptar është fituesi i Festivalit të fundit të Sanremos. Ai ka jetuar për disa vite në Bari, ku ka ardhur që fëmijë, si shumë bashkëkombës të tij në arrati nga Shqipëria”, shkruan “La Repubblica”.
“Për Ermal Metën, për talentin e tij të jashtëzakonshëm dhe për suksesin e merituar që e ka arritur falë personalitetit të tij të madh e stilit të pagabueshëm. Çelësat e qytetit duan të jenë njohja e një artisti i cili bëri hapat e tij të parë në Bari, i cili ka qenë në gjendje të përkthejë temat e rëndësisë së tanishme në muzikë me natyrën që është numri i njëjtë i autorëve të mëdhenj”, ka thënë kryetari i Bashkisë së Barit.
“Të flasësh për dhunën në familje apo për frikën e sulmeve terroriste nuk është e lehtë, pa rënë në një seri steriotipesh. Por Ermal Meta e ka bërë duke i dhënë zë ndjenjave që na bashkojnë të gjithëve e që na kujtojnë se e vetmja fe që nuk njeh kufij është duke qenë e duke mbetur qenie humane”, ka përfunduar kryebashkiaku.
