Falë Diego Militos, Interi siguron shërbimet e talentit 20-vjeçar (Video)

Piero Ausilio, drejtori sportiv i Interit ka qenë i pranishëm një natë më parë në Argjentinë për të vëzhguar nga afër sulmuesin e Racing Club, Lautaro Martinez. Ai është një ndër talentët më premtues në Argjentinë dhe për shërbimet e tij janë të interesuar edhe klubet e Madridit, ndërsa Roma është interesuar për të disa javë më parë.

Sipas Sportitalia, klubi ka gjetur gjuhën e përbashkët me lojtarin për një kontratë trevjeçare me opsion për një vit të katërt. Tashmë negociatat me Racing Club Avellaneda janë të avancuara dhe Inter pritet të paguajë rreth 22-23 milionë euro për të.

Në këtë tratativë po ndihmon edhe ish-bomberi i Interit, Diego Milito që aktualisht ka një post drejtues tek ekipi. Merkato e dimrit është mbyllur në Serie A, kështu që Martinez do t’i bashkohej Inter-it në qershor.