Ylli brazilian i PSG ka shkëlqyer në përballjen e javës së fundit që kishte ekipi i tij, me Monacon. Forma që po kalon ish-lojtari i Barcelonës është e jashtëzakonshme, duke parë driblimet dhe pasimet që ka dhënë këtë ndeshje por që nuk janë shfrytëzuar si duhet nga shokët e tij të ekipit. Vlen për tu përmendur momenti kur Neymar driblon mesfushorin e Monacos, portugezin Moutinho i cili përpiqet ta ndalë me duar dhe me këmbë, por e ka mjaft të vështirë. Në të njëjtin aksion ai i kalon topin mes këmbëve edhe Falcaos.
Neymar u transferua nga Barcelona tek PSG verën që lamë pas për shumën rekord të 222 milionë eurosh dhe është duke ia shpërblyer mjaft mirë ekipit besimin që i dha kur pagoi klauzolën e tij nga katalanasit.
