Afro 1200 studentë të rinj do të mirëpresë Fakulteti i Ekonomisë për këtë vit akademik.
Zëvendës dekani i këtij universiteti, Ervin Demo, bën me dije se numri i pranimeve do të vijë në rritje, ndërsa tarifat do jenë po ato.
Ashtu siç edhe pati premtuar Ekonomiku do të hapë dyert për ata që duan të transferojnë studimet në këtë universitet.
Kuotat për transferimet do të përcaktohen në bazë të kërkesave dhe aplikantëve që plotësojnë kriteret.
Kujtojmë se 500 studentë të masterit me status të veçantë në Fakultetin Ekonomik kanë firmosur një peticion drejtuar Kreyministrit Rama dhe ministres së Arsimit, Mirela Karabina ku kërkojnë mbështetjen nga qeveria për përgjysmimin e tarifës së studimeve.
Këta student, vitet e mëparshme këta fëmijë janë mbështetur nga qeveria në bazë të vendimit 269 në masën 50% të pagesës të prindërve invalidë, fëmijë me status jetim, rom dhe egjiptian.
Mirëpo, mësohet se këtë vit janë përjashtuar nga kjo politikë sociale dhe për këtë arsye i janë drejtuar kryeministrit.
