John F. Kennedy u qëllua për vdekje nga Lee Harvey Oswald ndërsa hipi në një autokolonë presidenciale në Dealey Plaza, Dallas. Oswald u akuzua për vrasjen e Kennedy dhe një komision i pavarur zbuloi se ai veproi i vetëm kur vrau Presidentin.
Përkundër kësaj, amerikanët ishin të bindur se ai nuk kishte vepruar i vetëm dhe nuk besonin në versionin zyrtar të ngjarjes.
Autori Mark Shaw, i cili po heton vdekjen e gazetarit Dorothy Killgallen, pohon se vrasja e Presidentit u organizua nga bosi i frikshëm mafioz i njohur si “Kumbari”.
Hakmarrja
Shaw pretendon se goditja u organizua si hakmarrje ndaj Kennedy. Ai i tha për Daily Star Online se mafioz Carlos Marcello ka organizua vdekjen e Kennedy dhe Dorothy Killgallon.
” Në zgjedhjet e vitit 1960 kur Kennedy po kandidonte për president kundër Nixonit, babai i tij Joe Kennedy e dinte se do të humbiste zgjedhjet, nëse nuk fitonte në Illinois dhe në Virxhinian Perëndimore.
Kështu Joe bëri një marrëveshje me Frank Sinatra dhe pjesën tjetër të mafies. Nëse ata i ndihmon të fitonin Illinois dhe Virxhinian Perëndimore, kur administrata e re të merrte detyrën, ata do t’i linin të qetë djemtë”.
Fundi i marrëveshjes
Por Shaw pretendon se kjo marrëdhënie u përkeqësua kur Kennedy i dha fund marrëveshjes.
Ai shtoi: “Joe e kaloi cakun, kam një dëshmitar dhe ka pasur drejtë, pasi ai e detyroi Kennedy të emëronte Robert F. Kennedy si Prokuror të Përgjithshëm. Robert F. Kennedy ose Bobby Kennedy u shkoi pas mafiozëve, veçanërisht Marcellës dhe e deportoi atë.”
Dy muaj më vonë, Marcello u kthye në SHBA. Pas kësaj, Shaw pretendon, se Marcello u kthye dhe përgatiti hakmarrjen kundër Kennedy.
Ai gjithashtu tha: “E pra Marcello u kthye me hakmarrje në mendjen e tij, por deri në fund të viti 1963 Bobby e gjurmonte atë. Ai donte ta deportonte atë përsëri, e kishte arrestuar, por në Gjykatën Federale të gjithë e mbronin Marcellos.
Ai donte të vriste Bobby Kennedy, të cilin e urrente, por nuk e bëri. Ai mendonte se nëse do vriste Robert F. Kennedy, Presidenti Kennedy do i shkonte nga pas me gjithë qeverinë. Por nëse ai vriste Kannedy, Bobby Kennedy do ishte i pafuqishëm dhe kjo është pikërisht ajo që ndodhi”.
Carlos Marcello vdiq në moshën 83 vjeçare në shtëpinë e tij. Ai kaloi periudha të shumta në burg për vepra të tilla si sulm ndaj një zyrtari të FBI-së, grindje dhe mashtrime. Shaw i ka paraqitur gjetjet në librin, “Mohimi i Drejtësisë”./Përshtati: Tirana Today/
