Ish-oficeri i antidrogës, Dritan Zagani, vijon të jetë në mbrojtje të Emiljano Nuhut, ish-nënkomisari i cili me dëshminë e tij zbuloi për rastin e Xhisielës. Kjo e fundit e kishte denoncuar disa herë në komisariat 24-vjeçarin, për ‘dhunë’ dhe ‘përndjekje’.
Dritan Zagani, ka zgjedhur që përmes një statusi në rrjetin social Facebook, të publikojë një fakt të ri se pse Nuhu nuk e ka sajuar këtë situatë.
Zagani nxit gazetarët të hulumtojnë se Nuhu, 6 muaj më parë kishte marrë një kredi në bankë për të blerë shtëpi, ç’ka sipas tij, hedh poshtë të gjitha pretendimet se ai ka ngitur këtë ‘alibi’ për të braktisur detyrën.
Kohët e fundit, mjaft opinionistë e kanë shënjestruar oficerin se e ka sajuar këtë situatë, për të përfituar azil politik bashkë me familjen. Por këtë tezë, Zagani e hedh poshtë në mënyrë kategorike, duke treguar edhe këtë detaj interesant. Ai thotë se një oficier karriere në polici, para se të përgatiste një alibi për të braktisur detyrën, e për të kërkuar azil, nuk kishte pse të blente një shtëpi me kredi.
