Rrjeti social “Facebook” ka ndryshuar jetën e miliona njerëzve në mbarë botën. Facebook ka lehtësuar komunikimin ndërmjet njerëzve dhe i ka bërë ata më të afërt. Por Facebook vitet e fundit është kthyer dhe në një dritare informimi dhe argëtimi duke i bërë njerëzit të varur ndaj tij. Kompania Facebook u ktheu një përgjigje të gjithë atyre studiuesve shkencorë të industrisë së teknologjisë për kritikat që i kanë bërë rrjetit më të madh të mediave sociale në botë për transformimin se si njerëzit sillen dhe shprehin emocionet.
Me një postim në blogun e korporatës, Facebook tha se mediat sociale mund të jenë të mira për mirëqenien e njerëzve nëse teknologjia përdoret në një mënyrë aktive, si psh mesazhet me miqtë në vend të përdorimit pasiv, si postimet e njerëzve.
Ishte hera e dytë për këtë javë që Facebook kishte publikuar një kundërshtim dhe reagim të tillë, duke sinjalizuar një gatishmëri të re për të mbrojtur një model biznesi që përkthen vëmendjen e përdoruesve në të ardhura nga reklamat.
