F1/Ricciardo bën mrekullinë në Kinë, Verstappen i “shkatërron” Ferrarin

Ferrari dështon në Çmimin e Madh të Kinës, ishte gara ku Ferrari duhet të konfirmohej si lideri por që gjithçka shkoi keq. Ishte Red Bull që bëri një garë perfekte duke u shpallur edhe kampion. Vettel niset i pari por nuk arrin të ruaj pozicionin deri në fund, ndërsa Raikkonen nuk mbron dot vendin e dytë dhe parakalohet nga pothuaj të gjithë, përfshi Mercedes dhe Red Bull.

Verstappen bëri më mirë nga makinat austriake, duke parakaluar Hamilton. Gara mori tjetër rrjedhë pas pit stope-ve të para. Ferrari i Vettel, që u fut pas Bottas, bëri një shërbim të ngadaltë dhe Bottas mori kryesimin e garës. Një aksident në xhiron e 31 mes dy makinave Toro Rosso i dha mundësinë Red Bullit të kryejë një pit stop të shpejtë, me të dyja makinat dhe gomat me shiritin e verdhë funksionuan.

Verstappen dukej sikur fluturonte dhe tentoi të parakalonte sërish Hamilton, por ai e shtyu jashtë piste. Përfitoi Ricciardo, i cili e sulmoi shpejt britanikun dhe falë edhe gomave parakaloi edhe Vettel e Bottas, duke marrë kryesimin.

Dy xhiro më vonë, Verstappen godet Vettel që ishte në vendin e tretë dhe përfiton Raikkonen, që ngjitet në atë pozicion, ndërsa Vettel zbret në vendin e 7. Penalitet me 10 sekonda për Verstappen në fund të garës. Ricciardo fitoi Çmimin e Madh të Kinës duke lënë pas Bottas e Raikkonen. Hamilton e mbylli në vendin e katërt, ndërsa Vettel në vendin e 8, i parakaluar edhe nga Alonso.