Kryeministrja britanike, Theresa May me gjasë do të rikonfirmohet në krye të Downing Street.
Partia Konservatore e Britanisë do të jetë partia më e madhe, por nuk mund të ketë shumicën, thotë “exit poll”, pas zgjedhjeve të përgjithshme të papritur të Mbretërisë së Bashkuar.
Ky “exit poll”, thotë se partia e May , mund të marrë 314 deputetë pas anketës së bërë në disa qendra votimi në Britani.
Sipas të dhënave deri tani Laborantët do të marrin 266 deputetë, Lib Dems 14 deputetë , UKIP asnjë dhe SNP 34 deputet, bëhet me dije NOP/Ipsos MORI për BBC.
Rezultatet e para zyrtare do dalin para mesnatës së orës lokale, ndërsa rezultati përfundimtar pritet të dalë mesditën e nesërme.
Kujtojmë, se kryeministrja May e ka çuar vendin në zgjedhje të parakohshme për të forcuar pozitën e saj në negociatat me Bashkimin Evropian në Brexit.
Zgjedhjet parlamentare pritet të kenë ndikim edhe në vendimin e Skocisë, për të mbajtur ose jo referendum të ri për pavarësi nga Mbretëria e Bashkuar.
TIRANA TODAY
