Patrice Evra është aktiv në rrjetet sociale, dhe kohët e fundit ka publikuar disa video të ‘çuditshme’. Francezi si duket ka vendosur që ta festojë Ditën e Falënderimeve para kohe dhe jo në datën 22 nëntor që festohet në Amerikë.
Një video sa qesharake, po aq edhe e shpifur, me ish-yllin e Manchester United, Juventus dhe Francës që lëpin, kafshon e qëllon me shuplaka një gjel të rrjepur por jo të pjekur, madje në një moment edhe duke imituar edhe kuzhinierin e famshëm Nusret Gokce, dhe të gjithë VIP-at që kanë ngrënë në restorantin e tij “Nusr-Et”, në momentin e kriposjes së gjelit.
“E di që është nesër, por për zotërinë ‘unë e dua këtë lojë’ është ditë falënderimesh çdo ditë. Kështu që gëzuar ditën e falënderimeve të gjithëve #pozitiv për evra # i çmendur”, ishte diçitura e publikuar në profilin zyrtar të Patrice Evra në “Instagram”, që shoqëronte videon unike në llojin e saj.
