Chelsea ka marrë vetëm një pikë kundër Evertonit, duke barazuar 0:0 në “Goodison Park”. Chelsea i Antonio Contes ka bërë hap fals në xhiron e 19 në Premierligë, duke barazuar 0:0 me Evertonin, për të marrë vetëm një pikë. Pas këtij barazimi, Chelsea ka shkuar në kuotën e 39 pikëve, aktualisht 13 më pak se lideri, Manchester City dhe nëse ekipi i Guardiolas fiton kundër Bournemouth, diferenca mund të shkojë në 16’të.
Normalisht që ishin miqtë ata që kontrolluan ndeshjen por pa arritur të krijojnë mundësi të mira shënimi teksa Everton mbrohej thellë dhe mundohej të kundërsulmonte, por as aksionet e vendasve nuk ishin efikase dhe u neutralizuan pa probleme nga mbrojtja e Bluve.
Chelsea nuk arriti do të depërtonte në zonën kundërshtare dhe u ndie shumë mungesa e Alvaro Morata-s në qendër të sulmit teksa Hazard nuk u ndihmuar nga shokët e ekipit dhe shpeshherë lihej i vetëm nga Willian dhe Pedro.
Ky është barazimi i tretë i Chelsea-t këtë sezon dhe tashmë të besuarit e Antonio Conte-s ndodhen në vend të tretë me 39-të pikë, një pozicion që nuk mund ta humbasin pavarësisht se si do të dalin ndeshjet e orës katër apo më tej.
