Kryeministri i Maqedonisë, Zoran Zaev ka takuar Johannes Hahn gjatë qëndrimit të tij në New York.
Eurokomisioneri Hahn i ka kërkuar Zaevit që të vazhdohet me reformat e filluara demokratike, të cilat janë shumë të rëndësishme për perspektivën e vendit.
“Ajo që do të arrini është e rëndësishme për perspektivën e vendit tuaj dhe gjithë rajonit”, ka thënë Hahn, i cili ka vlerësuar iniciativat e qeverisë për fqinjësi të mirë dhe bashkëpunim rajonal si të dobishme në procesin e integrimit të vendit në aleancat euroatlantike.
Gjithashtu, në takim u bisedua edhe për mundësitë për përparimin e Maqedonisë në plan ekonomik përmes rritjes së interesit të investuesve vendorë dhe të huaj.
