Dy herë në vit, të gjithë evropianët duhet të ndryshojnë orët e tyre. Por është koha për ta ndaluar këtë zakon të padobishëm dhe të dëmshëm. Hulumtimet e reja nga Parlamenti Evropian kanë provuar përsëri se ky qëllim nuk është arritur. Ndërsa rikthehet ora diellore dhe akrepat do të lëvizin 60 minuta prapa, një grup prej 70 deputetësh të Parlamentit Evropian është zotuar se do të heqin direktivën e ndryshimit të orës që ndodh dy herë në vit.
Eurodeputeti i djathtë çek Pavel Svoboda shprehet se hulumtimet shkencore kanë treguar se 20% e popullsisë vuajnë nga probleme shëndetësore për shkak të ndryshimit të orës. Ndërkohë në shumë shtete të botës përllogariten kilovatët e energjisë së kursyer, që prej 26 marsit 2011 kur hyri në funksionim ajo që njihet si “ora e ligjshme”. Llogaritja dimërore e kohës zgjat deri në fundjavën e fundit në mars kur fillon llogaritja verore e kohës.
Përkundrazi, kjo rregullore e BE-së paraqet rreziqe reale për njerëzit. Pas ndryshimit të orës, gratë dhe të moshuarit në veçanti përballen me një rrezik në rritje të problemeve të zemrës. Ndërsa në studim thuhet se aksidentet gjatë javës së parë të ndryshimit të orës rriten me 30% më shumë. Ndryshimi i orës nxjerr jo pak probleme lidhur dhe me marrëdhëniet e fëmijëve me shkollë.
Fituesit e fundit të çmimit Nobel për Mjekësi vërtetuan se trupi i njeriut është i ekspozuar ndaj rreziqeve të qëndrueshme. Për më tepër, kompanitë përballen me ngarkesa administrative.
Le të kemi rregullim më të mirë, siç premtoi Komisioni Evropian qytetarëve të saj. Ka ardhur koha për të ndryshuar direktivën, momenti është tani.
Në nëntor, presim që Parlamenti Evropian të votojë mbi një Rezolutë, duke i kërkuar Komisionit Evropian t’i japë fund ndryshimit të orës dyvjeçare.
Disa kundërshtarë të nismës sonë mund të thonë se njerëzit gjithsesi përballen me ndryshimin e orëve, kur udhëtojnë në zona të tjera kohore.
Ndryshimi i orës më parë në Evropë ka qenë jo i njëtrajtshëm, por ajo filloi të shtrihet gjerësisht nga viti 1974, pas krizës së parë të naftës kur disa vende vendosën të çojnë përpara orën në mënyrë që të shfrytëzonin më shumë dritën e diellit dhe të konsumonin më pak energji elektrike. Si ligj evropian, ndryshimi i orës në këtë rajon u vendos në vitin 1981 dhe është rinovuar çdo katër vjet.
Norma evropiane vendosi në mënyrë të qëndrueshme datat e fillimit të periudhës së orës së verës (kur ora shkon një orë përpara) dhe përfundimin e saj (kur ora shkon një orë pas); që tani respektivisht janë e diela e fundit e marsit dhe e diela e fundit e tetorit. Kjo sepse, në muajt prill dhe tetor, dita zgjat më shumë dhe kështu kursehet më shumë energji elektrike, shkruan neweurope.eu.
