Orët e fundit, emri i eurodeputetes qipriote Eleni Theocharous është lakuar shumë, dhe ka ngjalur një valë urrejtje nga shqiptarët. Ajo u shpall “non grata” nga qeveria shqiptare një ditë më parë, pas thirrjeve ekstremiste. Prezenca e saj në në ceremoninë mortore të Kostantinos Kacifas shkaktoi turbullira, por thirrjet e saj nuk dukeshin të padëgjuara më herët. Në dhjetor të vitit 2016, kur merrte pjesë në një aktivitet të organizuar nga PBDNJ-ja, ajo la një shije të hidhur. Asokohe, ajo foli për Epirin e Veriut në tokë shqiptare, por deklarata kaloi në heshtje.
https://tiranatoday.com/titujt-e-nderit-te-eurodeputetes-qipriote-ne-2016-anje-nuk-foli-kur-plasi/
Urodeputetja që shkaktoi një valë tensioni në Shqipëri, në Azerbajxhan është në “listën e zezë”. Azerbajxhani ka lëshuar në vitin 2017 një urdhër-arresti ndërkombëtar në emër të saj, por Interpoli e kishte refuzuar këtë kërkesë. Sipas qeverisë së Bakusë, ajo kishte vizituar zonën e Nagorni-Karabakhut ilegalisht.
https://tiranatoday.com/shqiperia-e-shpalli-non-grata-ne-turqi-ishte-arrestuar-azerbajxhani-kishte-leshuar-nje-urdher-arresti-nderkombetar-zbardhet-e-shkuara-e-erret-e-eleni-theocharous/
Nagorni-Karabakhu është një territor i diskutueshëm, por që ndërkombëtarisht njihet si pjesë e Azerbajxhanit. Çdo hyrje atje, konsiderohet nga Azerbajxhani si ilegale, edhe pse Bakuja “de facto” nuk e qeveris rajonin që nga viti 1988.
Eleni Theocharous është një nga 450 politikanët, gazetarët, akademikët apo artistët që janë përfshirë në “listën e zezë” të Azerbajxhanit. Nga zyrtarë azerë është kërkuar madje edhe diskutimi i pranisë së saj në Parlamentin Europian.
