18:00: Maqedonia e Veriut – Holanda (Grupi C, Amsterdam)
Me Holandën tashmë të kualifikuar si fituese e grupit dhe Maqedoninë e Veriut si e fundit e sigurtë, të dy ekipet e dinë fatin e tyre. Por do të ketë zhvillime pasi trajneri i ‘Oranje’-ve pritet të bëjë rotacion duke aktivizuar një tjetër golashënues, këtë herë Donyell Malen dhe mesfushorin e talentuar të Ajaksit, Ryan Gravenberch.
Ende vetëm 19 vjeç, Gravenberch ka gati gjysmën e moshës së kapitenit dhe yllit të Maqedonisë së Veriut, Goran Pandev, për të cilin kjo do të jetë ndeshja e fundit me kombëtaren. Referuar si një “dhelpër e zgjuar” nga menaxheri i Holandës, Frank de Boer, Pandev dhe ekipi i tij do të duan të dalin nga ky turne me kokën lart gjithsesi. Sipas fjalëve të homologut të De Boer, tajnerit maqedon, Igor Angelovski, “Duam të bëjmë show”.
Holanda është e pamposhtur në të katër ndeshjet e mëparshme me Maqedoninë e Veriut (2 fitore 2 barazime) dhe synon të fitojë të tre ndeshjet e grupeve në një EURO për herë të tretë, pasi e bërë në 2000-shin dhe 2008-ën.
Formacionet e mundshme:
- Maqedonia e Veriut: Dimitrievski; S Ristovski, Velkovski, Musliu, Nikolov; Ademi, Alioski, Bardi, Spirovski; Pandev, Elmas
- Holanda: Stekelenburg; Dumfries, De Ligt, De Vrij, Blind, Van Aanholt; F. de Jong, Gravenberch, Wijnaldum; Depay, Malen
18:00: Ukrainë – Austri (Grupi C, Bukuresht)
Ukrainës i duhet vetëm një pikë për të përfunduar e dyta në grup, por Andriy Shevchenko përjashtoi mundësinë që skuadra e tij të luajë për një rezultat që nuk është fitorja kundër Austrisë. “Nuk shkon shumë larg me një mentalitet të tillë” paralajmëroi trajneri, kështu që pritet sulmi i zakonshëm nga skuadra e tij, me kapitenin Andriy Yarmolenko përsëri në formë.
Yarmolenko kaloi trajnerin e tij, Shevchenkon si mbajtës rekordi i drejtpërdrejtë i Ukrainës në këtë EURO, me dy golat e tij dhe një asistim që e çojnë atë në kuotën 42 gola dhe 21 asiste, në total 63 përfshirje në gola, krahasuar me 48 golat dhe 13 asistet për paraardhësin e tij. Ai po shpreson më shumë kundër Austrisë që nga ana e saj do të zinte vendin e dytë me një fitore, në një ndeshje që trajneri Franco Foda e përshkroi si “finalen tonë”.
Goli i Roman Yaremchuk ndaj Maqedonisë së Veriut ishte i katërti në pesë ndeshjet e tij të fundit për Ukrainën. Lindorët do të jenë të kënaqur të përballen me një skuadër si Austria që ka bërë vetëm një ndeshje pa pësuar gol në tetë ndeshjet e mëparshme në finalet e EURO-ve.
Formacionet e mundshme:
- Ukraina: Bushchan; Karavaev, Zabarnyi, Matviyenko, Mykolenko; Malinovskyi, Stepanenko, Zinchenko; Yarmolenko, Yaremchuk, Tsygankov
- Austria: Bachmann; Dragović, Alaba, Hinteregger; Lainer, Sabitzer, X Schlager, Grillitsch, Ulmer; Baumgartner, Arnautović
/Tirana Today
