Skocia dhe Republika Çeke të dyja kanë pikat e tyre të forta përpara ndeshjes së parë për to në Euro 2020 , që do të luhet sot në orën 15:00 në Hempden Park në Glasgou.
Teksa Steve Clarke ka të plotë grupin që u kualifikua në Kampionatin Evropian, Jaroslav Silhavyt i mungon një lojtar kyç si Lukáš Provod.
Ylli i Slavia Praha u ‘përjashtua’ nga turneu prej një dëmtimi në gju, por përveç mesfushorit Silhavy ka një gamë të gjerë lojtarësh për të zgjedhur. Këtu përfshihen Alex Kral dhe Tomas Soucek, të cilët do të jenë pjesë esenciale e skuadrës që në ndeshjen e sotme.
Dhe Skocia ka Che Adamsin e Sauthemptonit dhe Kieran Tierney të Arsenalit pjesë të skuadrës që do të përfaqësojë kombëtaren në turneun e vet të parë madhor që prej 23 vitesh. Për të mos folur për kapitenin Andi Robertson që ka fituar gjithçka këto vite me Liverpulin.
Formacionet e mundshme:
Skocia: Marshall; Hendry, Hanley, Tierney; O’Donnell, McTominay, McGregor, McGinn, Robertson; Dykes, Adams
Republika Çeke: Vaclík; Coufal, Čelůstka, Kalas, Bořil; Souček, Král; Masopust, Darida, Jankto; Schick
