Aventurës së Etrit Berishës tek Atalanta duket se i ka ardhur fundi. Gardiani i kombëtares shqiptare duket se ka vendosu që të largohet nga futbolli italian dhe të provojë një eksperiencë të re në Francë me Lillen. Mediat franceze raportojnë se është arritur akordi mes palëve dhe se shumë shpejt pritet zyrtarizimi.
Berisha vjen nga një sezon mjaft i mirë me Atalantën dhe këta të fundit kërkonin plot 7 milionë euro për të. Por pritet që të ketë një ulje çmimi nga bergameskët për Berishën. Portieri 29-vjeçar nuk preferohet më si portier i parë në skuadër, pasi do ti jepet më shumë hapësirë Golini.
Raportohet se klubi francez është në bisedime edhe me portierin Çedrik Karraso dhe Martin Stekelenburg, por gardiani shqiptar duket më pranë. Në ditët e ardhshme pritet që të ketë zhvillime të reja në lidhje me këtë çështje.
