Edicioni i 25-të i Festivalit Ndërkombëtar të Teatrit ‘Risto Siskov’ në Strumicë të Maqedonisë është hapur me shfaqjen nga TeatriKombëtar i Kosovës, “Eshtrat që vijnë vonë” të Teki Dërvishit.
Festivali i mbajtur me rastin e Ditës së Pavarësisë së Maqedonisë, është hapur nga kryeministri Zoran Zaev, ndërsa të pranishëm në shfaqjen e Teatrit Kombëtar të Kosovës, ishin edhe Ministri i Kulturës të Republikës së Maqedonisë, ambasadorë të akredituar dhe personalitete rajonale e ndërkombëtare të botës së teatrit.
Shfaqja kosovare “Eshtrat që vijnë vonë”, me tekst të Teki Dërvishit e regji të Martin Kochovskit, u përcoll nga një publik i zgjedhur prej më shumë se 700 vetash.
Kritikë të shumtë vlerësuan lart tekstin, regjinë, ansamblin, strukturën dhe gjuhën avangarde të shfaqjes.
Në përfundim të festivalit, juria me shtatë anëtarë, në krye të cilës qëndronte Zija Sokoloviqin nga Bosnja dhe dramaturgu i njohur bullgar Stefan Jankov, i ndau katër çmime autoriale për shfaqje kosovare:
Tekstin më të mirë – Teki Dërvishi
Regjia më e mirë – Martin Kochovsky
Kostumet më të mira- Juliana Nojman
Koreografia më e mirë
