E ftuar në “Top Arena” së fundmi ishte ish-banorja e “Big Brother”, Rike Roçi, e njohur tashmë nga të gjithë edhe nga fotot kur bënte tifo për Shqipërinë dy vite më parë. Gjatë intervistës Rike ka treguar se në Botëror është tifoze me Kroacinë dhe madje ka miqësi me disa prej futbollistëve të asaj skuadre.
“Kroacia është një vend i vogël dhe arriti kaq lart, për këtë më vjen shumë mirë. E dyta, bëra tifo për Kroacinë, sepse kam lozur skedinën. Pastaj edhe sepse golin e bëri Perisic. Më vjen mirë për këtë, ngaqë e njoh dhe e di që ka shumë respekt për shqiptarët”, ka thënë Rike.
Bukuroshja me format bombastike është përfolur për një lidhje me një lojtar të Interit, prandaj Manushi e pyeti: “Ti e njeh si lojtar të Interit?”
“Jo, e njoh personalisht. Është shumë i mirë, është djalë i mirë dhe për ne shqiptarët ka shumë respekt”, iu përgjigj Rike. Ndërsa për Brozoviç, Rike u shpreh se është një çikë mistrec.
