Pas gjetjes së rrënojave të aeroplanit me të cilin udhëtonte Emiliano Sala, ka reaguar i ati i lojtarit.
Horacio Sala tha për Cronica TV në Argjentinë: “Nuk mund ta besoj, kjo është një ëndërr, një ëndërr e keqe, unë jam i dëshpëruar. Kam komunikuar me ta çdo ditë, por nuk kam What’s App dhe ishte e vështirë te merresha vesh. Ata më thanë se ditët kaluan dhe nuk kishte lajme për Emilianon apo avionin”.
Anija e kërkimit gjeti rrënojat në shtratin e Kanalit Anglez të dielën në mëngjes, sipas David Mearns, një eksplorues detar që punonte së bashku me Degën e Hetimeve të Aksidenteve Ajrore, i cili ishte në krye të operacionit.
“Mbetjet e aeroplanit që po udhëtonte Emiliano Sala dhe piloti David Ibotson u lokalizuan herët në mëngjes nga FPV MORVEN”, shkruan eksperti David Mearns në “Twitter”.
Aeroplani u zhduk nga radarët në 22 janar, ndërsa piloti David Ibotson dhe futbollisti argjentinas kanë humbur dhe mendohet të kenë vdekur.
