Pas shkarkimit nga detyra e kryetarit të Qarkut Vlorë, Sadrit Danaj, në krye të këtij institucioni mësohet të jetë zgjedhur Ervis Moçka.
Moçka, aktualisht është profesor në Universitetin e Vlorës “Ismail Qemali”, dhe jep mësim në departamentin e Drejtësisë.
Kërkesa për mocion mosbesimi ndaj Danajt është bërë prej kryebashkiakut të Vlorës, Dritan Leli.
Danaj ka insistuar të mos përfshihej kërkesa në rendin e ditës. Pas kryerjes së procesit të votimit, ku morën pjesë 16 këshilltarë, pro shkarkimit të Danajt votuan 15 këshilltarë.
I pranishëm në mbledhje ka qenë edhe ministri Damian Gjiknuri.
