Policia e Korçës ka nisur procedimin penal për shpërdorim detyre ndaj përgjegjësit të Zyrës Arsimore në Ersekë, S.D., 63 vjeç.
Burime konfidenciale nga uniformat blu të Korçës kanë bërë më dije për Tirana Today se procedimi nisi në bazë të pamjeve filmike të transmetuara në datë 08.05.2017, tek emisioni investigativ “FIKS FARE”.
Po ashtu, sipas këtij burim na bëhet me dije se kallëzimi është bërë prej A.J, 57 vjeç, banues në Ersekë, me profesion mësues .
Dyshohet se S.D., ka kryer veprime në kundërshtim me ligjin duke bërë emërime mësuesish pa ndjekur procedurat standarde.
Materialet për hetime të mëtejshme i kaluan Prokurorisë të Rrethit Gjyqësor Korçë për veprën penale: “Shpërdorimi i detyrës”.
Sakaq, për Tirana Today thuhet se përgjegjësi i Zyrës Arsimore është thirrur në Komisariat dhe ka nisur hetimi ndaj tij në gjendje të lirë.
