Erjon Bogdani tha se nuk ka talent, sot firmos me Milanin

Ismet Sinani është vetëm 19-vjeç dhe ditën e sotme ka firmosur një kontratë 3-vjeçare me ekipin e Milanit. Realiteti është se sot ai duhet të ishte në fushën e lojës me ekipin kuqezi të “Shpresave” përballë Bjellorusisë, por nuk u vlerësua. Ai tani luan për Kosovën dhe kjo e gjitha për fajin e trajneri i U-19, Erjon Bogdani kur vendosi ta linte jashtë grumbullimit për pjesëmarrjen në Europianin e kësaj grupmoshe.“Nuk po luan, nuk ka talent”, ishte përgjigja e Bogdanit i pyetur pse e la jashtë listës në aktivitetin ku kuqezinjtë humbën të tre ndeshjet e për më tepër nëj prej tyre me shifrat 7-1 ndaj Norvegjisë. Kjo sigurisht që acaroi sulmuesin me origjinë kosovare i cili nuk vonoi të vishte fanellën verdheblu. Me sa duket, Kosovës i mjafton talenti i Sinanit, ashtu si edhe Milanit, klubit pjesë e të cilit është 19-vjeçari.Gjatë  ditës së sotme, ai ka firmosur një kontratë trevjeçare me kuqezinjtë, duke pasur shansin tanimë që të punojë e debutojë si profesionist me ta. Por ndoshta te Milani nuk i kuptojnë gjërat aq mirë sa në Shqipëri…