Kristian Eriksen do të pajiset me një aparat ‘starter’ për zemrën, sipas konfirmimit të ekipit kombëtar danez.
Mesfushori i Interit u rrëzua në fushë gjatë debutimit të ekipit të tij në Euro 2020 kundër Finlandës të shtunën dhe iu desh ndërhyrja e shpejtë ‘CPR’ për 13 minuta në fushë që ta mbante gjallë.
Zemra e Eriksenit përfundimisht u rikthye në punë pas reanimacionit dhe ai u dërgua në një spital aty pranë, ku tani është në gjendje të qëndrueshme dhe po shërohet mirë.
Sot, në një deklaratë zyrtare, DBU (Federata Daneze e Futbollit) publikoi një lajm mbi statusin e lojtarit të tyre ku thuhej se Eriksen kërkoi një monitor të rrahjeve të zemrës (ICD) pas këshillës së shumë specialistëve.
Po ç’është një ICD?
Një defibrilator kardioverter i implantueshëm (ICD) është një pajisje e vogël me bateri e vendosur në gjoks për të monitoruar ritmin e zemrës dhe për të zbuluar rrahjet e parregullta të zemrës. Një ICD mund të japë goditje elektrike përmes një ose më shumë telave të lidhur me zemrën për të korrigjuar një ritëm jonormal të zemrës.
