Çmimi i energjisë nuk do të ndryshojë deri më 31 dhjetor 2017. Ky është vendimi i Entit Rregullator të Energjisë (ERE), e cila vendosi të mos ndryshojë tarifat për operatorët e tregut.
Kështu, konsumatorët familjarë do të vijojnë të paguajnë 9.5 lekë/kWh.
Në këtë vendim përcaktohet se për klientët e lidhur në nivelin e tensionit 35 kV, çmimi i shitjes së energjisë elektrike është 9.5 Lekë/kWh, ndërsa çmimi në pik është 10.93 Lekë/kWh.
Për klientët e lidhur në nivelin e tensionit 20 kV, çmimi i shitjes së energjisë është 11 Lekë/kWh, ndërsa çmimi në pik është 12.65 Lekë/kh. Tarifa e aksesit të shpërndarjes për klientët e lidhur në nivelin e tensionit 20kV, do të jetë 3,9 Lekë/kWh.
Enti ka gjykuar se tarifat e zbatuara përmbushin kërkesat që kanë operatorët për burime financiare dhe funksionim normal të punës së tyre.
Çmimet 31 dhjetor 2017:
Konsumatori familjar 9.5 lekë/kWh
KESH tek OSHEE 1.45 lekë/kWh
OST tek OSHEE 0.65 lekë/kWh
Biznesi:
Deri 35 kv 9.5 lekë/kWh
Në pik 10.93 lekë/kWh
Deri në 20 kv 11 lekë/kWh
Në pik 12.65 lekë/kWh
