Presidenti turk Erdogan dhe homologu i tij rus, Vladimir Putin pritet të takohen këtë muaj. Mendohet se në fokus të diskutimeve do të jetë vendimi i SHBA-ve për të tërhequr trupat nga Siria.
Lajmin për takimin mes dy presidentëve e ka konfirmuar edhe zëdhënësi i Putin, Smitry Peskov.
Herën e fundit, Erdogan dhe Putin janë takuar në samitin e G20-ës, i cili u mbajt në Buenos Aires më 1 dhjetor të 2018-ës.
Turqia mbështeti grupet rebele opozitare në Siri, ndërkaq Rusia dhe Irani mbështesin Qeverinë e presidentit sirian, Bashar al-Assad.
Ndërkohë, pas vendimit të SHBA-ve për tërheqjen e trupave amerikane në Siri, detyra për “pastrimin” e grupeve terroriste i është besuar Turqisë, teksa Erdogan ka marrë besimin dhe miratimin e Trump për këtë.
