Presidenti i Turqisë Erdogan ka refuzuar takimin me këshilltarin e sigurisë kombëtare të SHBA-ve, John Bolton.
Kjo për shkak të pretendimeve të Bolton se Turqia “shënjestron kurdët” në Siri, pretendime të cilat Ankaraja i kundërshtoi.
Erdogan ka lënë të nënkuptohet se takimi me këshilltarin e sigurisë kombëtare të SHBA-ve nuk është i domosdoshëm, ndërsa tha se Bolton është më mirë të takohet me zëdhënësin presidencial turk, İbrahim Kalın.
Më tej, presidenti turk tha se ai mund të flasë në çdo moment me presidentin e SHBA-ve, Donald Trump.
Këshilltari i sigurisë Bolton tha të dielën se SHBA-të nuk do të tërheqin trupat nga Siria verilindore derisa qeveria e Turqisë të garantojë se nuk do të sulmojë “luftëtarët kurdë”, duke iu referuar grupit terrorist PKK/YPG.
Nga ana tjetër zyrtarët turq kanë reaguar që kurdët e Sirisë të mos përzihen dhe të përdoren në një fjali sikur të ishin të njëjtë me organizatën terroriste PKK dhe me krahun e saj të armatosur YPG dhe PYD.
