Presidenti turk, Recep Tayyip Erdogan i ka bërë apel Gjermanisë që të mos përfshihet në çështjet e brendshme të vendit të tij, ndërsa marrëdhëniet mes dy partnerëve të NATO-s janë përkeqësuar më tej këtë javë.
“Askush nuk ka të drejtë të përfshihet në çështjet e brendshme të Turqisë”, tha Erdogan gjatë një konference shtypi në Stamboll, teksa iu përgjigj një pyetjeje në lidhje me kritikat e fundit gjermane për arrestimin në Stamboll të aktivistëve për të Drejtat e Njeriut në Turqi.
Berlini njoftoi të enjten një “riorientim” të politikës së tij kundrejt Turqisë me masa që rrezikojnë deri në penalizim ekonomik të partnerit historik.
“Nuk mund të pranojmë atë që po ndodh në Turqi”, u shpreh presidenti gjerman, Frank-Walter Steinmeier gjatë një interviste në televizionin publik ZDH e transmetuar sot.
