Teatri Kombëtar risjell në skenë për pesë netë më radhë shfaqjet e fundit të “Equus”. Vepra e autorit Petter Shaffer , me regji të boshnjakut Dino Mustafic, “Equus” në Shqipëri korri një sukses të madh si vepër e teatrit bashkëkohor. Në këtë vepër interpretojnë aktorët e mirënjohur të skenës dhe ekranit; Timo Flloko, Igli Zarka, Ema Andrea, Arben Derhemi, Krist Lleshi, Luli Bitri, Lulzim Zeqja, Erjona Kakeli, Ermir Z. Jonka .
Me skenografi nga Broz Dragutin, kostumografi të Berina Kokonës, koreografi të Gjergj Prevazit, muzikë të Endri Sinës dhe i përkthyer nga Artur Lena, shfaqja provokon artistikisht me idenë, konceptin dhe zgjidhjen regjisoriale.
