Pas dështimit në Botërorin e Rusisë tek Spanja pritet të fillojë një epokë e re dhe drejtimin e saj do ta ketë Luis Enrique. ai ka bërë prezantimin sot tek “La Roja” dhe ka premtuar se nuk do të ketë një revolucion në ekip, por një evolucion. “Nuk do të ketë revolucion te Spanja, por vetëm evolucion. Janë disa vendime të rëndësishme për t’u marrë”, – ka thënë në konferencë shtypi gjatë prezantimit trajneri i ri i Spanjës, Luis Enrique.
“E shkuara i përket së shkuarës. Fjala ‘dështim’ është shumë e rëndë për atë që ndodhi në Rusi. Rezultatet nuk ishin të mira, por këta lojtarë kanë dhënë gjithçka. Mund të ndryshojë stili i lojës pa prekur lojtarët, e kam bërë edhe me një klub të madh si Barcelona. Janë disa gjëra që duhen përmirësuar faktikisht.
Pike? Ka treguar gjithmonë vlerat e tij me Spanjën. Do të flas me të, por duhet të respektojmë vullnetin e çdo lojtari. Nuk jam një anti-madridist. E di farë do të thotë të stërvitësh në nivele të larta. Jam krenar që përfaqësoj futbollin spanjoll”, – ka thënë më tej trajneri Luis Enrique.
Enrique ka pasur një karrierë mjaft të mirë si trajner, ku fillimisht drejtoi Romën dhe më pas Barcelonën, me të cilën fitoi shumë trofe. Ndërsa në stolin e iberikëve ai vjen pas shkarkimit të Lopeteguit dhe drejtimin disa javorë të Fernando Hierros, i cili zhgënjeu në Botëror.
