Enis Bardhi ka kaluar një formë fantastike këtë sezon tek Levante. Shqiptari i Maqedonisë shpëtoi ekipin e tij nga “zona e ftohtë” por ajo që bëri më shumë bujë ishte fitorja 5-4 përballë Barcelonës.
Bardhi përballë gjigantit spanjoll shënoi dy gola, ku njëri ishte me të vërtetë spektakolar. Duke parë kualitetin e lartë që ka në këmbë dhe vazhdimësinë që ka treguar, dy gjigantët euroipianë kanë monitoruar Bardhin në ndeshjet e fundit. Bëhet fjalë për Interin dhe PSG-në të cilët kanë treguar interes edhe më parë për shërbimet e mesfushorit të Levantes.
Sipas mediave spanjolle të dy klubet e mëdha evropiane po shqyrtojnë mu8ndësinë e ndonjë transferte të mundshme të Bardhit. Duhet të presim hapjen e dritares së transferimeve për të kuptuar nëse ka vërtet ndonjë ofertë zyrtare apo thjesht ngelet vetëm spekulime mediatike.
