Një 29-vjeçar i identifikuar si Viktor Floqi, është ekstraduar nga Greqia për në Shqipëri. Ai rezulton të jetë i dënuar në vitin 2016 me 8 vite burg, nën akuzën e prostituimit të të rriturve. Shtetasi Viktor Floqi më datë 07.06.2014, ka trafikuar me qëllim prostitucioni nga Shqipëria në Itali shtetasen J.H, banuese në lagjen “Partizani” Elbasan.
Si rezultat i bashkëpunimit të Interpol Tirana me Interpol Athinën, u bë i mundur arrestimi i tij në Greqi, duke u finalizuar me ekstradimin drejt vendit tonë.
Njoftimi i policisë:
Ekstradohet nga Greqia një shtetas i dënuar me 8 vjet burg.
Nga Specialistët e Interpol Tirana u krye ekstradimi nga Athina/ Greqi drejt vendit tonë, i shtetasit shqiptar:
Viktor Floqi, 29 vjeç, lindur dhe banues në Elbasan.
Shtetasi Viktor Floqi ishte shpallur në kërkim ndërkombëtar nga Z.Q.K Interpol Tirana më datë 17.11.2016, pasi Gjykata e Shkallës së Parë për Krimet e Rënda, me vendimin penal nr. 63, datë 10.05.2016, e ka dënuar me 8 vjet burg për veprën penale të “Trafikim i personave të rritur”, parashikuar nga neni 110/a/2 i Kodit Penal.
Përmbledhje e ngjarjes së ndodhur:
Shtetasi Viktor Floqi më datë 07.06.2014, ka trafikuar me qëllim prostitucioni nga Shqipëria në Itali shtetasen J.H, banuese në lagjen “Partizani” Elbasan.
Si rezultat i bashkëpunimit të Interpol Tirana me Interpol Athinën, u bë i mundur arrestimi i tij në Greqi, duke u finalizuar me ekstradimin drejt vendit tonë.
