Erjon Manari, 27 vjeç, u deklarua fajtor për prodhim droge, por sipas operacionit rroli i tij ishte shumë i vogël, pasi ai drejtohej nga të tjerë persona, që njëherësh ishin edhe shokë të tij.
27-vjeçari, u shpall fajtor për prodhim të drogave të klasit B, megjithatë ky aktivitet i jashtëligjshëm drejtohej nga njerëz të tjerë. I riu u kap më 19 Korrik, kur policia ndërmori një operacion në vendin ku banonte, në Devonshire Place, Handbridge.
Manari fillimisht u dha autoriteteve një identitet fals, Andrij Nemcov. Gjatë seancës ku u dha dënimi, gjykata e Chester u njoh me faktin se një e korrë e vetme mund të prodhonte nga 6 deri në 18 kilogramë kanabis, vlera e së cilës do të ishte mijëra paund në treg.
Ky aktivitet u përshkruajt nga autoritetet britanike si i “sofistikuar”. Trafikantët e kishin lidhur energjinë elektrikë në mënyrë që tillë që kompania të mos kuptonte sasinë e madhe të energjisë që po përdorej në këtë fabrikë.
Gjykatësi Simon Berkson pranoi se roli i Manarit ishte thjesht ai i “kopshtarit”. “Koha e shkurtër që shpenzove në këtë shtet u kthye në fatkeqësi për ty”, i tha gjykatësi shqiptarit.
Manari do ta kalojë gjysmën e dënimit të tij në burg, ndërsa gjysmën tjetër në liri me kusht. Ai u dënua me nëntë muaj./TIRANA TODAY/
