Një 52-vjeçar nga Shkodra është arrestuar nga Policia e Kavajës, pasi iu gjet një armë pa leje.
Hajrulla Gjekaj udhëtonte si pasagjer me një automjet tip Peugeot në autostradën Rrogozhinë – Plepa.
Gjatë kontrollit fizik, Gjekës iu konstatua një pistoletë Zastava me 12 fishekë dhe një silenciator.
52-vjeçari u arrestua në flagrancë, ndërsa materialet iu referuan Prokurorisë për armëmbajtje pa leje.
Njoftimi i policisë:
Sipas njoftimit zyrtar te policisë, është arrestuar në flagrancë shtetasi Hajrulla Gjekaj, 52 vjeç, banues në Shkodër.
Me datë 23.02.2018 në autostradën Rrogozhinë-Plepa, nga shërbimet e policisë është ndaluar për kontroll mjeti tip “Peaugeot” me drejtues shtetasin N. M., 53 vjeç, banues në Shkodër dhe pasagjer shtetasin Hajrulla Gjekaj.
Gjatë kontrollit fizik shtetasit Hajrulla Gjekaj iu janë gjetur dhe sekuestruar në cilësinë e provës materiale
një armë zjarri tip “Zastava”
12 copë fishek
një silenciator.
Materialet i kaluan Prokurorisë së Rrethit Gjyqësor Kavajë për veprime të mëtejshme për veprën penale” Prodhimi dhe mbajtja pa leje e armëve luftarake dhe e municionit” parashikuar në nenin 278 të Kodit Penal.
