Policia e Shkodrës ka bërë të ditur se ka vënë në pranga shtetasin Ylli Shabanaj, 44 vjeç i cili akuzohet për veprat penale të “Vrasja me dashje e mbetur në tentative” e “Prodhimi, mbajtja, blerja apo shitja pa leje e armëve të ftohta”.
Njoftimi i policisë
Në vijim të informacionit ku ka mbetur i plagosur shtetasi Sh. A. 50 vjec, i cili është goditur me mjete prerëse (thikë), falë veprimeve të shpejta operacionale dhe hetimore të policisë, u bë e mundur kapja dhe ndalimi i autorit të dyshuar, shtetasit:
Ylli Shabanaj, 44 vjeç, banues në lagjen “Partizani” Shkodër.
Materialet do i referohen Prokurorisë së Rrethit Gjyqësor Shkoder për veprat penale të “Vrasja me dashje e mbetur në tentative” e “Prodhimi, mbajtja, blerja apo shitja pa leje e armëve të ftohta” parashikuar nga nenet 76/22 e 279 të Kodit Penal
Plas sherri në lokal, goditet me thikë një 50-vjeçar
Një sherr për arsye banale ka ndodhur në Shkodër, ku për pasojë një 50-vjeçar është plagosur me thikë nga një 40 vjeçar, i cili ka shkuar në ambientet e spitalit, por është jashtë rrezikut për jetën.
Shkoder
Informacion Paraprak
Me datë 12.08.2018, ora 13.55 jemi njoftuar se është paraqitur në Spitalin Rajonal Shkodër shtetasi Sh. A. 50 vjec, i cili është goditur me mjete prerëse (thikë), jashtë rreziku për jetën
Nga informacionet e paraprake, ngjarja ka ndodhur në një lokal në lagjen “Partizani” për motive të dobeta.
Identifikohet autori dyshuar dhe u bë shpallja në kërkim e shtetasit Y. Sh. 40 vjec banues në Shkodër.
Po punohet me grup hetimor për sqarimin e rrethanave të kësaj ngjarje.
