Tre emra të rinj janë shtuan në listën e njerëzve më të kërkuar nga policia e Belgjikës. Me tyre është edhe emiri i një shqiptari.
https://tiranatoday.com/fotoja-shqiptari-me-i-kerkuar-ne-belgjike-emri-i-tij-ne-listen-e-zeze/
Ata janë Alam Khorshed, Safet Rustemi dhe Grzegorz Janowicz. Identifikimi i tyre, detajet dhe foto e tyre u publikuan në faqen e internetit të Policisë Federale. “Më të kërkuarit”, janë tashmë në listën e zezë të Policisë Federale, e cila synon të identifikojë dhe të arrestojë të dënuarit, duke u mbështetur në ndihmën e publikut.
Shqiptari
Emri: Safet Rustemi
Gjinia: Mashkull
Data e lindjes: 09-09-1984
Kombësia: shqiptare
“Safet Rustemi është një shqiptar i dënuar si udhëheqës i një organizate kriminale aktive në Bruksel, e cila merrej me tregtinë e drogës dhe prostitucion.
Më 01/25/2017, Rustemi Safet u dënua në mungesë nga Gjykata e Apelit e Brukselit, me 9 vite burg, i akuzuar si kreu i një bande kriminale e cila ishte duke u përpjekur për të kontrolluar pjesën qendrore të Brukselit, në tregtinë e drogës dhe prostitucionit. Për këtë, ai nuk kishte “kursyer asnjë mjet” duke nisur që nga shkatërrimi i pronës, përdorimi i armëve të zjarrit, tentim vrasje, grabitje, trafik njerëzor në rastin e grave të reja detyrohen në prostitucion. Rustemi dhe bashkautorët e tij zakonisht ishin shumë të dhunshëm.
Më 02.22.2018, ai u dënua sërish nga gjykata penale e Brukselit për një dënim me burg prej 9 vjet si kreu i një bande kriminale i përfshirë në tregtinë e drogës. Po të njëjtën ditë, ai u dënua edhe me pesë vjet shtesë për posedim dhe trafikim droge dhe heqje të paligjshme të lirisë me kërcënime me vdekje”, shkruan media belge dhnet.be.
Por një detaj mjaft interesant në shkrim është edhe fakti qe media belge ka publikuar një mesazh që i ka ardhur ish-kryeministrit Berisha nga polici dixhital, dhe ish-kreu i PD-së e kishte bërë publike në profilin e tij në FB.
“Policët e turpëruar i dërguan një letër ish-presidentit dhe ish-kryeministrit Sali Berisha në Facebook. Ata i kanë shkruar Berishës se “Safet Bajri ka ndihmuar Partinë Socialiste në Shkodër dhe deputetin Luan Harusha për zgjedhjet qershorit 2017”.
Është ky deputet që i ka telefonuar Drejtorisë së Policisë për ti dhënë fund hetimit(….) Policia merr lek për të mbyllur sytë për krimet e kësaj familje (Rustemi). Kohët e fundit është parë “më i kërkuari i policisë belge”, në një tarracë të një kafeneje në Shkodër”, shkruan media belge.
Pas këtij shkrimi, deputeti socialist i Shkodrës, Luan Harusha, i akuzuar nga mediat belge se është mburoja e një krimineli të rrezikshëm, Safet Rustemi, ka hedhur poshtë akuzat ne një komunikim telefonik me Fax Neës. Aty Harusha thotë se ai e njeh Safet Rustemin, po në kohën kur janë zhvilluar zgjedhjet ai nuk ka qenë në Shkodër, por në burg.
Harusha tha më tej se ai ka njohje familjare me personin që është shpallur më i kërkuari në Belgjikë, po ai nuk mban përgjegjësi për aktivitetin që ai ka kryer në vende të tjera evropiane.
INTERVISTA ME LUAN HARUSHA
Gazetarja: Përshëndetje zoti Harusha, donim që t’iu pyesnim për një artikull të mediave belge lidhur me Safet Bajrin, ku thuhet se ai ju ka ndihmuar në 2017-tën, në fushatën për zgjedhjet e pushtetit qendror. A e njihni?
Deputeti Harusha: Dëgjo goce, atë Safet Bajrin e kam komshi në lagje, ai s’ka qenë fare në zgjedhje.
Gazetarja: Pra nuk ju ka financuar ju dhe Partinë Socialiste në zgjedhjet e 2017-tës?
Deputeti Harusha: Jo ka ardhur nga burgu nga shtatori, a tetori, ku di unë.
Gazetarja: Mediat belge thonë që ju keni mbyllur një konflikt të tij në një nga lokalet më të njohura të Shkodrës, ku politika ka ndërhyrë që ai të mos arrestohej?
Deputeti Harusha: Nuk është e vërtetë moj vajzë, nuk merrem unë me atë punë. Unë e njoh familjarisht se i kemi shtëpitë 100 metra larg, 50 metra.
