Një e moshuar është gjetur e pajetë në banesën e saj në Durrës. Ngjarja ka ndodhur në lagjen 16 të qytetit bregdetar.
Mësohet nga policia se gruaja është identifikuar si shtetasja Floresha Shkurti, 83 vjeçe.
Dyshimet paraprake janë se e moshuara mund të jetë vrarë, pasi në trupin e saj janë gjetur shenja dhune. Megjithatë do të jetë ekspertiza mjeko-ligjore që do të përcaktojë shkakun e vdekjes së gruas.
Një grup hetimor ka nisur punën për zbardhjen e rrethanave të ngjarjes.
