Ende asnjë gjurmë nga shqiptari që u arratis nga burgu i Torinos në Itali, Mediat italiane shkruajnë se shqiptari Robert Uka, 45 vjeç ndërkohë që vuante dënimin, punonte ne një kompani në Moncalieri. Pas punës, ai nuk u kthye më në qeli. Ai duhet të vuante dënimin deri në vitin 2022 për drogë, prostitucion, mbajtje armesh dhe krime të tjera.
Arratia: Në vend që të kthehej ne qeli, 45 vjeçari shkoi në banesën e kunatit të tij, një egjiptian, në periferi të Jugut të Torinos. Mes të dyve pati një sherr dhe shqiptari e plagosi kunatin me thikë e pas kësaj ia mbathi. I lënduari u dërgua ne spital, ndërkohe që policia është vënë në ndjekje te shqiptarit.
Një zyrtar i burgut ka sqaruar se bëhet fjalë për një të dënuar shqiptar që ishte i dënuar deri në vitin 2022 dhe që po përfitonte nga një program ku 12 orë i kalonte duke punuar në një fabrikë pranë burgut dhe 12 orë të tjera i kalonte në qeli.
