Bardhyl Kaçorri do të jetë në krye të Policisë së Burgjeve. Emri është bërë i ditur nga ministrja e Drejtësisë, Etilda Gjonaj gjatë mbledhjes për prezantimin e drejtorit të ri të Policisë së Burgjeve.
Zgjedhja e Kaçorrit në këtë post, vjen pas shkarkimit të kreut të Policisë së Burgjeve Enrik Sulejmani. Ky i fundit u shkarkua më 10 tetor lidhur me çështjen e Ervis Martinajt.
Kjo pasi Policia e Burgjeve nuk arriti të marrë Martinajn nga spitali ku ishte shtruar pas plagosjes me armë në ngjarjen e 4 tetorit.
Ministrja e Drejtësisë ka aprovuar propozimin e Drejtorit të Përgjithshëm të Burgjeve për largimin nga detyra të Drejtorit të Policisë së Burgjeve, Enrik Sulejmani me motivacionin “Për mospërmbushje të detyrave funksionale”. TIRANA TODAY
