Gangsteri i famshëm John Macris, sipas mediave të huaja thuhet se është vrarë nga një shqiptar, i njohur si vrasë me pagesë.
E ndërsa shkruajnë për ngjarjen, shtypi i huaj bën të ditur se ai mund të ketë qenë viktime e një përleshje mes grupeve mafioze në Greqi. Në këtë sherr kanë qenë të përfshirë edhe shqiptarë.
Sipas te njëjtit burim, kjo përplasje e ashpër bandash ka shkaktuar së paku 6 vrasje në Greqi, nga fillimi i vitit.
Macris do të varroset në një kishë ortodokse greke në Australi. Ndërkohë kanë nisur hetimet për vrasjen e tij. Sakaq nuk përjashtohet mundësia se ai mund të jetë ekzekutuar nga një vrasës me pagesë.
“Këto lloj vrasjesh bëhen kryesisht nga shqiptarë të paguar, që përdorin dy ose tre makina ose motoçikleta që të arratisen nga Greqia menjëherë pasi kanë kryer ekzekutimin”- raportojnë mediat e huaja.
Motivi
Një tjetër motiv i mundshëm që po shqyrtohet për vrasjen e 46-vjeçarit është zgjerimi i tij i fundit në industrinë e sigurisë.
Autoritetet po shqyrtojnë të gjitha marrëdhëniet e biznesit të Macris për të përcaktuar nëse firma që ai kishte planifikuar të hapë.
Shërbimet e Sigurisë 24/7, ishte një front i mundshëm për të ardhurat e padeklaruara.
Ata gjithashtu po shqyrtojnë nëse firma e sigurisë ishte një kërcënim i drejtpërdrejtë ndaj rivalëve të tij të biznesit.
Macris mbente një profil të ulët në Greqi. Por, ai mori vëmendje kur u martua në vitin 2016, me yllin dhe modelen Viktoria Karynda, e lindur në Ukrainën.
