Diskutimet mes Greqisë dhe Maqedonisë janë futur në një fazë të ngushtë, ndërsa rezultatet e para të bisedimeve kanë dhënë efekte të menjëhershme. Me vendim të qeverisë së Maqedonisë, Aeroporti i Shkupit ka ndryshuar emrin nga Aeroporti “Aleksandri i Madh” në Aeroporti Ndërkombëtar i Shkupit, ndërsa autostrada me të njëjtin emër është riemëruar si rruga “Miqësia”-shkruan Tirana Today.
Veprimet e para nga ana e Maqedonisë janë përshëndetur nga shteti helen, ndërsa nuk kanë munguar komentet pozitive dhe besimi se dy vendet janë prag ndryshimeve historike-shkruan Tirana Today.
“Ndërkohë kryeministri i Maqedonisë, Zoran Zaev, do të udhëtojë në Turqi të dielën për një vizitë dy-ditore me ftesë të homologut të tij turk Binali Yildirim. Bisedimet pritet të përqendrohen në çështjet dypalëshe dhe rajonal”-shkruan Ekathimerini.
Turqia duket të jetë shumë e interesuar për zhvillimet e fundit në Ballkanin Perëndimor. Ndërsa duket se edhe ky takim mes dy kryeministrave ka një strategji për të biseduar skenarët e mundshme dhe sugjerimet edhe nga Turqia në gjetjen e një zgjidhje të pranueshme mes Greqisë dhe Maqedonisë.
“Një nga elementet më themelore të vëllazërisë së fortë midis dy vendeve është bashkatdhetarët tanë që jetojnë në Maqedoni”-tha një deklaratën e zyrës së kryeministrit, e cila shprehu gjithashtu mbështetjen e Ankarasë për ambiciet e Shkupit në BE dhe NATO. TIRANA TODAY
