Supergrabitja e 990 mijë euro e kryer në 30 qershor 2016 brenda pistës së aeroportit “Nënë Tereza”, tashmë ka një person të pandehur dhe ai quhet Aleks Pepa.
Elbasanlliu i shpallur në kërkim ndërkombëtar nga “Interpol”. Ai cilësohet nga prokurorët e Krimeve të Rënda si “truri” i kësaj grabitje.
Ngjarja ka ndodhur para syve të shumë personave, të cilët ishin në pritje për të udhëtuar me avion drejt Italisë.
Gati 9 muaj pas ngjarjes, policia dhe prokuroria në shkurt të 2017 realizuan një kontroll të imtësishëm në banesën e prindërve të Aleks Pepa.
Aty efektivët gjetën 50 mijë euro brenda në frigorifer, sasi e cila është sekuestruar në cilësinë e provës materiale.
Ndërkohë mësohet se për këtë ngjarje autorët kanë përdorur katër makina të vjedhura, mes tyre dhe një furgon.
Pepa dhe dy bashkëpunëtorët e tij janë identifikuar nga analizat e ADN-së dhe qelizat telefonike. Këto të dhëna kanë vërtetuar se në 30 qershor 2016, autorët janë lokalizuar nga antenat telefonike në zonën e Rinasit./Shqiptarja.com/
