Në sajë të operacionit të koduar” Udhëtimi “, policia e Lezhës ka bërë të mundur sekuestrimin e 6 minave me telekomandë. Po kështu, uniformat blu kanë dhënë edhe detaje të lidhje me arrestimin në flagrancë të poseduesit.
Bëhet fjalë për shtetasin Eduard Sinanaj, 40-vjeç, banues në Tiranë ( i dënuar më parë për veprën penale “Dhënie ndihme për kalim të paligjshëm të kufirit”). Ky shtetas kshte fshehur në makinë 6 mina me telekomandë.
“Në aksin rrugor Milot – Lezhë, në vendin e quajtur Ishull Lezhë, u kap me automjetin e tij tip Peugeot që po drejtonte, pasi në bagazh, në një rrotë karroce, kishte fshehur 6 mina me telekomandë, të cilat u sekuestruan në cilësinë e provës materiale, së bashku me automjetin. Vepra penale në ngarkim të tij, “Trafikim i armëve dhe municioneve”. Materialet proceduriale iu referuan Prokurorisë së Rrethit Gjyqësor Lezhë, për veprime të mëtejshme.
